Физика фанига қизиқишлари юқори бўлган айрим ўқувчилар физика фанини ўрганишда  математика оид билимларининг камлиги сабабли жиддий муаммога дуч келадилар.

 Кўп сонли қизиқарли физик масалаларни ўқувчилар еча олмасликларига сабаб дифферинциал тенглама, ҳосила ва интегралларга оид билим кўникмаларининг камлиги ёки йўқлиги ҳисобланади.

Масалан хаммамизга маълум бўлган Ньютоннинг иккинчи қонунининг математик тенгламаси  иккинчи тартибли диффиренциал тенгламага олиб келади. Ўқувчида интегралаш ва диффиренциал тенгламаларни ечишга оид билим кўникмалари бўлган тақдирда ҳам кўпгина физика масалаларини ечиш давомида ҳосил бўладиган дифферинциал тенглама ёки интегралларни оддий аналитик йўл билан ечиш имконияти бўлмайди.

Бундай ҳолларда  махсус математик MatLab, Maple, Matemateka ва MathCad тизимлари орқали кўпгина масалаларни аналитик, сонли методлар орқали ечиш имкониятини беради. Юқорида келтирилган математик системаларнинг ичида интерфейсининг соддалиги ва график имконияти билан MathCad ўқувчилар орасида анча катта мавқега эга.

Ҳозирги вақтга келиб компьютер технологияларини таълим тизимида кенг кириб келаётганлигини эътиборга олиб , мактабларда, академик лицей ва коледжларда, шунингдек олий таълим муассасаларида физика ва метематика фанларини ўқитиш услубини ўзгартириш мумкин ва керакдир.

Хусусан, MathCad системасини таълим тизимида фойдаланиш (мотиви) сифатида кўйидагиларни таъкидлаб ўтишимиз мумкин:

  • MathCad системаси физика фанини ўрганиш жараёнини осонлаштиради;
  • Физика ва математика фанларига бўлган қизиқишларини оширади, чунки илгари еча олмаган масалаларини юқори ва илмий даражада еча олиш ва тахлил қилиш имконини беради;
  • Ўқувчиларда илмий изланувчанлик хиссини шакллантиради ва фикрлаш доирасини кенгайтиришга сабаб бўлади;

Юқорида келтирилган фикр мулоҳазаларни эътиборга олиб бу математик системаларни ўрганишга ва фойдаланишга  оид соатларни айниқса, аниқ фанлар йўналишидаги академик лицей ва олий ўқув юртларининг ўқув дастурларига киритишни таклиф этамиз.